Oté

« Margoz lé amèr, lo grin lé dou ! » – In kozman pou la rout

Justin / 17 zwiyé 2015

Sans prop : sa lé klèr pou in moun i manyé lo kréol rényoné, donk la pa bézoin fé in nos avèk in ké d’mori.

Sans figiré ? La lé pli intérésan ! Pou kosa, pars i vé dir azot, dan la vi na in pé tout sort de shoz : na sak lé dézagréab, é nana sak lé agréab. Nana lo mové koté d’in n’afèr é nana lo bon koté. In légzanp ? Travay ! Souvan défoi sa lé dir, mé si ou la bien travay ou i pé gingn out rékonpans... Apré lo l’éfor, lo rékonfor. Sé aou – si ou i gingn fèr la par dé shoz – d’fèr in bon triyaz rant lo bon épi lo mové. Moin la fine antann dir : "dann tout lo mal nana in bien !". Si nou lé maloki ni trouv arienk lo mal, Si ni fé la par dé shoz, ni trouv galman lo bon.

Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé tonm désèrtènn foi dakor rantre nou. Fé roulé !


Kanalreunion.com