Oté

« Marsh dsi out pyé avan oz mont bisiklète »

In kozman pou la rout

Justin / 17 mé 2016

La plipar d’tan sé konmsa k’i fé. Pars lé shoz i fé dan l’ord. In légzanp : lé pli proférab an avoir lo dan avan manz gro manjé. Si ou la poin la zoutiy k’i fo sar malizé gingn fé in travay.

Mé dann kèl k i di kozman-la ? Pou moin na in provèrb déor i kol bien avèk nout provèrb kréol rényoné-la sé : « Shak shoz an son tan ! ». Na dé foi mi domann amoin si kozman-la sé in bon kozman pars kan mi rogard kréol fèr dizon la kuizine, in pé i komans par aprop la kuizine avann fé kui manzé é aprésa i aprop ankor in kou la kuizine.

Na poin z’opérasyon an doub la-dan ?… Fé lé shoz dan l’ord lé pli proférab, mé la pa toultan konmsa k’i fé.


Kanalreunion.com