Oté

« Maryaz la pa badinaz ! Souvan dé foi sé in gatiraz ! »

In kozman pou la rout

Justin / 16 zwin 2016

Nout tout i koné provèrb kréol La Rényon : « Maryaz la pa badinaz ! ». Donk sé pa in plézantri, sé mèm in n’afèr sèryé pars, an prinsip, si i maryé sé pou la vi. Donk bann gramoun lontan té i di souvan kozman-la sirtou ké dann tan-la divors té rar konm korn lapin. Solman té pa pou sa k’in pé d’moun i krétik lo maryaz pars pou zot souvan défoi sé in gatir pou anmar azot, parl pi pou désèrtin sé in la, k’i sèr si ou i ral dési. Souvan dé foi nana demoun i aksèp bien lo z’afèr. Donk sé solon lé ka. Mi koné pa kosa zot i pans dé sa.

Tout fason, ni rotrouv pli d’van pou in n’ot kozman pou la rout !


Kanalreunion.com