Oté

« Maryaz la pa in gatiraz mé maryaz sé in la ! »

In kozman pou la rout

Justin / 15 juin 2016

Sa sé lo kozman k’i di, moin mi rézèrv mon l’opinyon. In gatir, kosa i lé ? In ligatir si zot i vé ébin li amar in n’afèr in l’androi mèm é li bouz pa. Donk si i anparl lo lien lo maryaz, sa vé dirou lé atashé étouzour lo mèm manyèr. Mé si i parl in lala pa parèy : in la sé in né koulan. Tanpir k’ou i ral dési, tanpir k’i sèr aou. Si tèlman ké momandoné ou lé riskab toufé ou tranglé.sé la ké ou lé pri dann la. Konm té i di Alain Peter « sé la ké moin la konpri ké moin lété pri dsi baton la kol la vi ». In gayar shanté sa, mé na poin granshoz pou oir avèk lo kozman pou la rout, amoins ké si. Ni artrouv pli d’van !


Kanalreunion.com