Oté

Mèt le rasism a tèr

Justin / 18 mé 2011

Rasism sé : in “relasiyon dominasiyon i manifèst dan tout nivo la vi sosiyal é lé fondé si in lidéoloji i jistifi in yérarchi ant group imin. Rasism i manifèst dan lidéoloji, roprézantasiyon, zatitud é préjujé, é dan’d zact konkré d’viyolans, dan’d diskour politik ou ankor dan’d pratik diskriminatoir é dan’d régloman institutiyonèl (M. Eckmann). Kosa, zot i pans de sa ?

Rasism sé : kota ètnik dan’d fout-bal, dan’d lèspor an jénéral, koloniyalism, jénosid, lèsklavaj, ségrégasiyon, larpartèd — kan konsula Lafrik di Sid rasist lété établi dan lil na in parti la manifèsté kont sa… sé osi kan in lantropriz i désid komèrsiyaliz tichèrt i mépriz, i réduyi sèrtin Réyoné dizon lo kaf a in bivèr d’rak, in bivèr d’biyè, in parésé, in moin ke riyin… Avan sa na in boug la di : « ke sé toute dé… ». Nou arèt la.

Rasism sé : in déli — sé sirtou pa in lopinyion — donk lé condanab dovan tribinal. Tou lé jour, na’d domoun dan’d mond, i fé fas rasism ou lé viktime, La Rényon lé pa épargné. Si na pou dénonsé, dénonsé… Na in tan lé fini : sèl in’d i vé domine lot, sèl la kloch i sone si térin gro propriyétèr… I di pa tout domoun, i né lib é égo !

In bon pé d’moun la luté é i lut kont rasism : Vérité Sojourner, John Brown, Harriet Beecher Stowe, Frederick Douglass, Kochiyama Yuri, Daniel K. Inouye, Cesar Chavez, Gloria Steinem, Dees Morris, Russell Means, Booth Heather, Patricia Williams, LaDuke Winona, Anthony D. Romero, Rigoberta Menchu, Tim Wise, Rosa Parks, Martin Luther King, Angela Davis, Bob Marley, Nelson Mandela, Steve Biko…

Na osi Sylvie, Émilie, Chantal, Johnny et ankor dot pou mèt lo rasism a tèr.

Justin


Kanalreunion.com