Oté

« Mète pa l’arzan dann posh a trou »

In kozman pou la rout

Justin / 30 zwin 2016

Sa sé in n’afèr ké lé vré pou vréman : si ou i mète l’arzan dann in posh troué, ébin lo l’arzan va tonm a tèr é sar pèrdi pou ou. Lo sans prop lé klèr é nèt é fasil pou konprann. Astèr, mi domann amoin si nana – konm i di-in sans figiré. In sans pli zénéral é ké na pi granshoz a oir avèk lo posh troué é pétète minm lo l’arzan. Nana i l’ésprésyon fransé k’i di : dépans l’arzan a fon pèrdi. Sa i vé dir ou i mète, ou i mète, ou i mète é ou la pa sir gingn kékshoz. Ni pé di osi : ou i fors, ou i fors, ou i fors san rézilta. Sa i ariv dé foi, kan out plan lé mové é ké na rien pou tiré dann sak ou l’apré fé. Alé ! ni artrouv pli d’van.


Kanalreunion.com