Oté

Mète pa lo shat pou vèy sosis !

Kozman pou la rout

Justin / 10 zwin 2016

I di osi :« i mète pa lo shien pou manz la grès » osinonsa « i mète pa lo shat pou vèy do-lé ». Na in provèrb fransé k’i di : « I fé pa rant lo lou dann park mouton ». Lo sans prop lé fasil pou sézi mé lo sans figiré ? Sinploman i fo méfyé sak i pé port danzé dsi out z’intéré é sirtou i fo lès ali dann in l’androi li lé lo moin danzéré ké posib. Souvan défoi, ou i oi lo danzé kan li lé la, ou i gingn pa oir ali do loin. Poitan sé do loin k’i fo rokonète ali. I di pa : « I vo myé prévnir ké gérir ». Ala in provèrb mi trouv lé valab é poitan, mèm si li lé sinp, li lé pa fasil pou apliké. Ni rotrouv san tardé !


Kanalreunion.com