Oté

« Mi vann konm moin l’ashté. San bénéfis ! » – in kozman pou la rout

Justin / 29 avril 2015

Kosa sa i vé dir ankor ? Sa i vé dir mi rann l’afèr konm moin la anprété. Konm moin la gingn ali, mi rann ali. Sa i vé dir, sak mi rakont, moin la pa parti bien oir si lété vré san pour san.

Pars dé foi ou na lo tan bien kontrol sak ou i raport. Dé foi, ou na poin vréman lo tan. Alon koz in radio : demoun i rakont zot maléré sor, é koman lé z’ot i fé pa lé shoz konm i fodré. Lo l’animatèr, lé étoné, li domann ali : « Koman se fès in n’afèr konmsa ? ». Alé oir, tazantan li la pa parti oir si lo zistoir lé vré…

Zot mèm, kosa zot i anpans ? arien ditou ! Lé pa posib ! Fé travay z’ot koko ! Fé bouy z’ot matyèr griz, é zot va oir si i fo pa pran lé shoz avèk la nyans k’i fo é pétète zot va rann azot kont ké, rant-rant i arivé dé foi ké ni pé z’ète dakor rantre noi.


Kanalreunion.com