Oté

Moin la anvi ékrir in liv…

Justin / 22 mé 2014

Mi di a zot tout ; mi viin avoir in liv Samuel Beckett ; dépi lo tan mi antann parlé Samuel Beckett ; anfin na ankor in bonpé zékrivin mi koné zot réputasyon ; moin la pokor lir rien dzot ; ou koné lo Monn lé gran ; a nou, nou lé pti ; san konté tout listwar limanité, tout bann péi dan lo Monn, tout kiltir, tout sivilizasyon ! Par egzanp, Jacques Chirac spésialist la Chine ; anfin spésialist ou gran amatèr ; li la bokou sersé si péi la.

Rogard riink si lansiin tan grék, ézipt, dir kavan zot, navé ankor « Etrusk ! ».
Nin pé i di a moin : « pokoué ti sar ékrir si nora persone po lir !? »
Oui kroi in ékrivin i ékri po do moun i lir sak li ékri ? Si na do moun po lir tan mié, mé si na poin lé pa grav, zot i kroi pa ?
In kou mi di in kamarad mi koné in zistwar mon gran frèr la rakont a moin an kréol ; é navé inn ti bout sanson : « pasé pasé pasé ti frèr, sé toi minm ke laa keiyi po la flèr du bobinèt ».
Moin té marmay, moin té konpran pa sak sa té i vé dir.
Mon kamarad (lu lé ékrivin)i di a moin :« ékri sa, minm inn ti gine morso ; sinon, va perd ! » Sé sak moin la pèr…

Si mi vé dir in nafèr, zordi, a moin Justin, an 2014, mon réfléksyon la Rényon dan loséan indiin, dan lo monn ; sra ékri, sra fiksé po touzour, po lé zénarasyon fitir !
Si Victor Hugo lavé pa ékri ant 1830 é 1880 (sa mor) ; nou noré zamé konèt in bon pé zafèr si listwar, poézi, moral lépok minm son angazman politik ?
Tansyon, mi vé pa konpar a moin ék Victor Hugo ; sé zist in égzanp.
Kan mi lir Samuel Beckett-mi arviin su lu-mi di sé konm sa ke mi vé ékrir ! Va gagné ou va pa gagné ?
Moin la anvi ékrir in liv !

 Justin 



Inn modékri, inn ti lavi, inn komantèr ?



Bann modékri andann forom






  • si ou ékri in liv, fodra fé propagande, fé la pub , la réclame po ké le monn y vé savoir qouié y vé annoce à nou mé

    du temps Victor Hugo, lavé point internet, lavé point télévision, son liv la vend kan même, la même appris dans les

    zécoles, alors moin mi dit , fé out liv, ou verra bien, na in zour moin la orgarde l’émission "on n’est pas couché" avec

    Laurent Ruquier, in l’écrivin lété invité, son liv , son listoir té y fé rappelle à moins un moun ké la vécu son listoir , le liv

    y intitule "un bon fils " de Pascal Bruckner, moin la acheté , po oir si moin lavé raison, y ressemb un tit pé mé lu la fé

    voyage à moin autrement. MI remercie à li, alala poquié mi lit.

    Article
    Inn modékri, inn ti lavi, inn komantèr ?


Kanalreunion.com