Oté

« Momon sinz la pa ont son pti ! »

In kozman pou la rout

Justin / 4 zwin 2016

Sa la pa in zoli kozman sa frèr z’é sèr ? Pou moin oui pars momon sinz konm in momon d’moun i rogard son pti avèk lo zyé son l’amour matèrnèl. Dann zoo konm dann télé souvan dé foi moin la fine oir in n’afèr konmsa. Fason sinz i fé ou i romark li yèm son pti é si i fo li lé paré pou défann ali kont lo z’ènmi. Mi pans demoun osi lé posib réazi konmsa, mèm si la fine ral in lastik rant li épi la natir.

Astèr konm sé in provèrb, i fo ni sèy rod in l’aplikasyon pli zénéral, si ni gingn. Ni pé di, par ébzanp la pa bézoin an avoir ont kékshoz ou la fé konm kékshoz de bien. Pran modèl dsi momon kajou, èl o moins, sanm pou moin, i koné pa lo déni. Ni artrou pli d’van.


Kanalreunion.com