Oté

« Mové z’èrb i done bon tizane » – In kozman pou la rout

Justin / 14 désanm 2015

Mové z’èrb ? Dizon sa bann z’èrb ou i vé pa oir la figir dann out zardin . Mé moin la antann in shamane apré di : « Na poin mové z’èrb, nana arienk demoun i koné pa ! ». Sa lé bien vré pars tout z’èrb i pé ansèrv kékshoz mé a koué ? koman i ansèrv ? Sa lé pa koni par n’inport ki. Arzout èk sa zot la bézoin in bonpé travay laboratoir pou bien konète z’ot itilité. Nou La Rényon, ni fé tizane é konm di lo kozman ni fé bon tizane. Bann z’ansien té i koné sa bien mé firamézir demoun i obliy… Mé dizon la pa tro tar pou nou arkonète tousala é mèm plis konm mi di azot. In késtyon ? Sa in provèrb sa ? Avèk in sans prop nou la vi an-o la, épi in sans figiré ? Ni pé dir, pou aprésyé kékshoz i fo konét ali bien a-fon. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan, d’akor rantre nou.


Kanalreunion.com