Oté

« Na dé mové péyèr : sak lé dir pou pèy apré, é sak i pèy avan. »

In kozman pou la rout

Justin / 24 mars 2016

Dann lo promyé ka toulmoun i konpran kosa sa i vé dir pars kisa la pankor an avoir afèr avèk in brilèr. Donk toulmoun i koné. Mé sak i pèy avan : kosa i pé arprosh ali ? Li la péyé pou in sèrvis fé, alor i rès arienk pou fé son sèrvis. Mé sé la ké la galèr i komans : souvan-dé foi la pèrsone i vé ou i komans zordi épi ou i fini yèr. Moin la mèm vi d’moun i domann travay anplis, k’i razout in kékshoz osinonsa vi k’ou lé sou la min i domann aou fé tout kalité z’afèr. Ou lé konm in moun la pran in boi pointi kékpar. Donk mové péyèr ? Pétète p amé sipozitoir, sa lé pli sir. Rozman na d’moun korèk é sa sé in sak l’arzan.


Kanalreunion.com