Oté

« Na grin bibas dann trou d’zorèy » - in kozman pou la rout

Justin / 23 octob 2015

Na in n’ot manyèr di sa galman sé « zorèy koshon dann marmit poi ». Mi pans moin la fine di mon dé mo dsi kozman-la. I pé di osi : « i antan pa zorèy ! ». Kan k’in moun i fé konmsi li antan pa, soi li antan pa pou vréman, soi li fé sanblan li antann pa. Dann la lang bann fransé i di : na poin pli sour k’in moun i vé pa antann. Romark bien : souvan dé foi, i vo myé ou i fé sanblan pa antann plito ké antann, fé romark ou la antann, épi rod dispite avèk demoun.

Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan, dakor rantre nou.


Kanalreunion.com