Oté

« Na in zour i apèl domin »- in kozman pou la rout

Justin / 6 zwiyé 2015

Sans prop na poinn sans pou vréman, mé sirtou lé pa intérésan. Na in zour i apèl domin ! Biensir na in zour i apèl domin, na in n’ot i apèl apré domin é alor, é apré sa ? Na poin arien pou tiré…

Sans figiré : la lé pli intérésan. Sa i vé dir par ébzanp : ou va péy sa in zour ! Sansa : in zour m’a tir mon vanjans. Sansa ankor : la rou va tourné ! I pé di osi : out tour i tard pa !

Kosa zot i anpans zot ? Arien ditou ? Fé travay in pé z’ot koko ! Fé bouy in pé z’ot matyèr griz. Zot va oir si rant-rant ni tonm pa tazantan dakor rantre nou.


Kanalreunion.com