Oté

« Na poin lion dovan la port ! »

In kozman pou la rout

Justin / 15 désanm 2016

Moin la fine antann dir galman : « Akoz ? Nana dé bèl shien dovan mon port ? ». La plipar d’tan sé pou dir in moun li pé vnir shé ou. Sa i pé z’ète osi in roprosh pou in moun i vien pa shé ou asé souvan a out gou. Pars, sépa si zot la romarké, mé koméla lo « shé-toi shé-mo », la fine pèrd in pé favèr. Mèm moin la romarké pou alé shé in moun i fo ou lé invité. I fo dir koméla demoun i bouz in bonpé, alor si i fo alé bate in karé dann in ronn fé in gran distans, pou trouv figuir d’boi kan ou i ariv la pa in plézir pou vréman. Kosa zot i vé ? La vi i shanj, Lo zabitid demoun galman. Donk plito k’ésèy shanj demoun i vomyé ou i adapt aou. Alé ! Ni artrouv pli d’van sipétadyé.


Kanalreunion.com