Oté

« Na poin z’arète dann son bistèk ! »- In kozman pou la rout

Justin / 20 zwiyé 2015

Dizon mi pans pou désèrtin sa sé in plézantri. Ousa ou la vi nana zarète dann la vyann bèf ? Sansa dann la vyann koshon ? Osinonsa kabri ? Pars zot i koné la pa arienk avèk la vyann bèf ni fé bistèk.

Ni pé komann in bistèk pork, sansa mèm in bistèk kabri. Mé si ni rod pli loin, ni pé dir sé in moun i manj la bone vyann é anplis la vyann shèr, donk li na la moné, li sé pa ninport a ki. Li sé in om dé valèr !

Kosa zot i anpans de sa zot ? Arien ditou ? Fé travay z’ot koko ! Fé bouy in pé zot matyèr griz ! Zot va oir si, rant-rant, ni tonm pa tazantan dakor rantre nou.


Kanalreunion.com