Oté

« Nou la pa gardien koshon ansanm »

In kozman pou la rout

Justin / 11 avril 2016

Sa in kozman, mi èm pa tro. Mi marrk a-li mé fransh vérité moin nana proférans pou d’ot. Pou kosa ? Dabor inn mon momon l’a aprann amoin tout métyé nana z’ot dignité é grardien koshon nana son dignité d’apré sak mi kroi é lo métyé an li-mèm li lé bien itil. Dézyèmman, pou moin tout kalité d’moun lé frékantab provik li nana l’onèkté épi lo kouraj é sé lo ka pou in on gardien - bann métyé mi èm pa sé sak lé fé dann la mal-onèkté. A par-sa kosa lo kozman i vé dir ? li vé dir l’ot pèrsone épi ou-mèm zot lé pa abityé frékanté : la pa out dalon, la pa out z’ami, la pa out z’intime é ou i vé pa l’ot i fé konmsi. Ala lo sans lo kozman


Kanalreunion.com