Oté

« Oplis i sava, oplis ni dovien plis zanfan nout tan ké zanfan nout famiy »

In kozman pou la rout

Justin / 14 novanm 2017

JPEG - 43.6 ko

Ala in kozman pou la rout i pé fé travaye nout tète. Pou kosa ? Pars dopi in bon bout tan, nout l’édikasyon, nout konésans té a nout famiy nou téi doi sa. Mèm, ni pé dir, lo bann zidé nou l’avé, nout bann valèr, nout bann prinsip nou téi rosoi sa konm in l’éritaz nout famiy… Mé dopi in koup de tan la konésans syantifik-a s’ki paré-i miltipliy par dé tou lé dizan. Ki di nout bann konésans i di galman sak moin l’apèl nout bann prinsip épi nout bann valèr, é anplis ké sa nout bann z’idé. Dizon sa lé vré, mé mi diré solman in pé ! Pou koué ? Pars la rolizyon i rès sak li lété nana dé milyé d’zané la rolizyon sé la moral, sé ankor bann prinsip la vi. Ni pé di galman la tradisyon nana la po dir lé é la pa koméla èl va disparète pou d’bon. Donk ! si ni pé di nout kozman an-o la, ni pé konsidèr li la pa in vérité absoli. Alé ! Mi lès azot réfléshi la dsi é ni artrouv pli d’van sipétadyé.