Oté

« Ou i done in pyé, i pran in karo »

In kozman pou la rout

Justin / 2 séptanm 2016

Mi pans toulmoun, an tou lé ka, sak I koz épi I konpran kréol rényoné I koné kozman-la. Sa I vé bien dir sak I vé dir : si mi done aou in pyé salad - in pyé sé in pyé !- la pa bézoin ou I détrui mon zardin siouplé ! Konbien foi I antann dir kozman moin la désid mète pou zournaI zordi ? In bonpé foi bien sir. I diré ziska, dann nout péi nana arienk abizèr dsi. Dé sèrtène foi lé vré, mèm in pé i kroi si ou la done azot in foi, zot i pé vni shèrch toultan. Mé désèrtène foi l é pa vré pars kant mèm na d’moun lé bien édiké, épi lé rézèrvé. Pars nout bann konpatriyot souvan dé foi nana bon kèr é konm i di zot lé paré pou done demoun z’ot shomiz si ou i fé bon manyèr avèk zot. Bon ! Shakinnn i oi l’èr dovan son port é pou mon par mi lès azot fé travaye z’ot koko d’ tète la dsi. Alé ! Ni artrouv pli d’van.


Kanalreunion.com