Oté

« Pa pli o k’lo bor »

Justin / 4 zwiyé 2016

Konm zot i oi, sa la pa in kozman konm d’abitid. Sa la pa in provèrb é sé plito in patoi konm i di, in z’éksprésyon pou fé rir la boush, pou mète in pé piman dann la konvèrsasyon. Zot i o bien kansa i ansèrv in kozman konmsa ? Zot i oi pa ? Alé marshé don ! Zot i koné kna i ansèrv a boir, ou i lèv out vèr pou fé sign, par onèkté, ké ou i vé pa k’i ranpli tro out vèr. L’èr-la, pou détann in pé l’atmosfèr, ou di : « Pa pli loin ké lob or ». Sak i sèrv, an kontrèr li vèrs in pti pé plis pou amontré li koné viv. Li koné kosa k’i lé l’ospitalité. Alé ! Ni rotrouv pli d’van.


Kanalreunion.com