Oté

« Pass pa fouète dan la sand pou koup out fès ! »

In kozman pou la rout

Justin / 16 zwiyé 2016

Akoz fouète dann la sand ? Pars d’apré sak i paré, kan ou i pass in fouète dan la sand li poik ankor plis. Alor si ou i sava pass ali dann la sand pou in n’ot ansèrv pou ou, i fo rokonète la pa bien intélizan. Souvan dé foi i pé lir kan nana in sobatkoz rant dé moun, inn i di l’ot, ou l’apré rod lo fouèt pou fé tap aou. Sa i vé dir ké ou l’apré di dé shoz lé riskab rotourn kont ou. Mi pans zot osi zot i koné sa ! Pé s’fèr zot mèm la fine rod lo fouète pou koriz azot. Pétète moin osi ? Alé ! Ni ratrouv pli d’van.

Nb dann la lang bann fransé : « le bâton pour se faire battre »


Kanalreunion.com