Oté

« Pèz dsi la tète, pou oir si la ké i bouj ! » – in kozman pou la rout

Justin / 6 mars 2015

Sa in provèrb sa ? Sirman si na in moral dann l’istoir sinonsa si na in loson pou tienbo. Dabor kosa i vé dir ?

I vé dir i anvoy aou in son, i gard out réaksyon épi i tir in koklizyon. Na dmoun lé konmsa, madam konm mésyé : I diré zot nana in dik dir avèk in kantité roprosh pou domin épi tout sak nana pou roprosh aou an aryèr. Alors si la anvoy aou in son, suivan out réaksyon out kondanasyon I vien.

Zordi li di sa, mé o toi, li la pa di sa toultan ! Zordi li di sa, mé akoz li di sa ? Pèz out lang, fé tourn ali sète foi dann out boush, malgé sa kan ou va molir out poi sar o fé. La fine ariv azot z’afèr konmsa ? Non ! Kalkil bien ! Fé travay zot koko, fé bouy zot matyèr griz, zot va oir si rant rant ni tonm pa tazantan dakor rantre nou.


Kanalreunion.com