Oté

« Pran bèrtèl pou tant kouvèrt ! » – In kozman pou la rout

Justin / 5 zanvié 2016

Zot i koné tant kouvèrt ? La-dan mèm i mète z’afèr ou i vé pa dmoun i oi konm in boushon l’arzan, konm shovrèt brakoné, konm in pti pil plate. I fo dir la-dan li lé bien kashyété. Bèrtèl sé bèrtèl é ni oi bien la diférans : lé rouvèr par anlèr é ou i kashyète pa gran-shoz la-dan. Li lé pa fé pou sa ! Mé si sa sé in provèrb, kosa i vé dir ozis ? I vé dir ou i pran kékshoz pou sak li lé pa, ou sinonsa, i sèy fé prann demoun kékshoz pou kékshoz ké li lé pa. Nana in bonpé kozman dann la lang kréol rényoné i vé dir sa konm « roul de moun kari sou d’ri », konm « pran po d’shanm pou pla kouvèr ». Dann la lang fransé i di osi : « Pran vési pou lantèrn ». Zot i koné sa ? Kosa zot i anpans ? Arien ditou, fé travay z’ot kok ! Fé bouy z’ot matyèr griz ! Zot va oir ké rant-rnt, ni pé z’ète, tazantan, dakor, rantre nou.


Kanalreunion.com