Oté

« Pran l’obligasyon pou la bonté ! »

In kozman pou la rout

Justin / 3 novanm 2016

Moin lé sir, zot i koné lo kozman : « Pran la bonté pou l’obligasyon ! ». Na in koup de tan moin mèm la fé in kozman pou la rout èk sa. Lo kozman mi ékri zordi la pa ditou lo mèm z’afèr : in moun i pran la bonté pou l’obligasyon i abiz dsi out bonté. Mé in moun i pran l’obligasyon pou la bonté i tronp ali lourdman. Dann son fonksyon kélk’in i pé z’ète dévoué, an avoir in sourir an transh papaye pou in oui, pou in non. Dann la politik in moun i travaye dann la méri i pé z’ète dévoué par raport lo mèr – donk dann son fonksyon li lé oblizé !-mé dann fonn kèr, pé sfèr li jir lo boug an silans, vinn-sink foi dann in zourné. Donk, fyé pa dsi son sourir an transh papaye pars i pé z’ète in poignar pou pik aou kan l’okazyon va prézanté. Alé ! Ni artouv pli dvan sipétadyé.


Kanalreunion.com