Oté

« Pran la bonté pou l’obligasyon »

In kozman pou la rout

Justin / 24 févrié 2016

Sa in kozman moin la antann dopi lontan é zordi ankor mi antannn dir sa ; sé dir si li la pa viéyi ! Lé normal vi k’sa i rogard lo rolasyon rant demoun an tou tan. Sa i rogard osi désèrtin moun i égzazèr in pé. Romark bien : sak i gingn i trouv i mank in pti katsou pou fé in fran, mé sak I done, souvan défoi, li trouv I domann ali tro. Sa lé normal ! Solman kan ou i pran l’abitid gagné, ou i trouv drol kan ou i gingn pi. Dann l’ot sans kan ou i pran l’abitid doné, momandoné sa i komans fatig out tété. Romark bien : nana doné é doné é na dé sho i rofiz pa. Konm in pla manzé par ébzanp : sa sé l’onèkté é nout famiy la touzour amontr anou sa. Alé ! ni rotrouv !


Kanalreunion.com