Oté

« Prékosyon i suiye son fès avan kaka »

In kozman pou la rout

Justin / 4 out 2016

I pé pa dir kozman-la lé bien distingé. Sa i étoneré pa moin ké li sort d’in boush sal. Solman, li di bien sak li vé dir. Kosa li vé dir ? Li vé dir nana demoun i fé dé shoz san prévoir tout sak i pé arivé : kisoi lo rézilta li kalkil, kisoi sak li la obliy kalkilé sof si la pèrsone i fé travaye son tèt é li kalkil konm i di lo ténan é lo z’aboutisan. Pars kan i di prinsip prékosyon, sa la pa in kozman an l’èr : sa i vé dir, i fo fé antansyon dsi lé konsékans mèm sipozé. Konm ébzanp, ni pé anparl bann mayi ogm. Pou kosa ? Pars OGM, sa i vé dir « organis génétikman modifyé » donk li lé pi natirèl é i lé a méfyé. Alé ! Mi lès azot kas z’ot tèt la dsi é ni artrouv pli d’van.


Kanalreunion.com