Oté

« Priv pa ou, la mèr lé bèl ! »

In kozman pou la rout

Justin / 9 out 2016

Dalon kosa i fé kan la mèr lé bèl ? Bingné, la pa in péshé épi lé si tèlman gayar : mont anlèr kap, pik la tète ! Mèm fé in san toush si ou i nyabou. Alé la pèsh ! Poisson osi i sort dann trou. A ! Kan la mèr lé bèl lé lo tan pou amizé, lo tan pou profité nout l’oséan indien ! lo tan pou alé rode kisoi in kari makabi, in kari kapisin, in sivé zourite... La mèr lé bèl sé konm k’i diré nout bo tan. Bo tan ? Sa i vé dir bonpé z’afèr ! Nout kozman i angant anou amenn la bèl vi, kan ni pé. Na d’ot kozman i di lo kontrèr, mé sar pou domin. Alé ! Ni artrouv pli d’van !


Kanalreunion.com