Oté

« Ramas in pé la shalèr pou l’ivèr »

In kozman pou la rout

Justin / 8 zwiyé 2016

Nout tout i koné sa sé in n’afèr inposib pou armasé zordi… mé pétète k’in zour va gégné pars i dékouv si tèlmann shoz. Tou lé ka di in n’afèr konmsa zordi sé konm si ou l’apré plézanté. Plézanté ? La pa si sir ké sa. Pou kosa ? Pars dopi lontan l’imanité la aprann ramas dé shoz zordi pou an sèrv domin. Myé k’sa, i paré ké dann tout lang nana lo vèrb « prévnir ». I di pa : i vo myé prévnir ké gérir ? Donk nout kozman zordi i donn anou in bon konsèy pou ète saz dan la vi. Alé ! Ni artrouv pli d’dvan.


Kanalreunion.com