Oté

« Ravaz pa guèp dann son ni ! » – in kozman pou la rout

Justin / 17 novanm 2015

Dsi la késtyonn lo sans promyé na poin pou diskité . Tout marmay i méfyé guèp pou anshévé si zot lé dsi z’ot ni. Konm di lo kont sa lé roz mèm, i ménas volé,.. out poi lé o fé si ou i déranz azot. In gramoun la rakont amoin, étan marmay, li té kosté sanm son kamarad apré anvoy galé dsi ni guèp. Li la bien vi guèp té an shalèr é tou-d’in kou na inn-daoir l’avé gingn lé z’ord !- la lans dési zot épi la pik ali in l’androi sansib. Lès ali guélé ! lès ali kriyé ! lès ali kouri ! Ala sans prop mé sans figiré sé kan na in n’afèr danzéré é tout fors ou i sava mète out né d’dan. In légzanp ? Dann in péi dan la guèr sivil, in l’armé étranj i sava mète a l’ord… Kalkil azot mèm lo konsékans pou li, kisoi sir plas, kisoi dann son prop péi.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, tazantan, ni pé z’ète dakor rantre nou.


Kanalreunion.com