Oté

« Rod lo pou avèk lo lant dan la tète la poin shové ! »

In kozman pou la rout

Justin / 28 avril 2016

Kosa sa i vé dir o-zis ? Sirman ké lo pou i gingn pa fé son ni dann in tète prop. Pou li fé son ni, dann out koko, i fo ou nana shové-kansréti pou li ponn son lant. Mé sa i vé dir sirtou ou i rod le bout avèk in moun-dann fransé i di ou i rode lo ptit bète. Ou i sava si tèlman dann lo détaye ké forsé ou i trouv kékshoz i klosh pa kékpar. Sa i ariv kan in moun lé manyak : li kontant pa li avèk lo bien, li l’apou rode lo myé. Bon la poin asé pou li, i fo lé parfé é sa i fatig la tète demoun. Mi koné pa kosa zot i anpans, mé sak lé sir, sé k’in moun manyak li kroi pa li lé manyak, li pans lé zot lé makote. Alé ! Ni artrouv !


Kanalreunion.com