Oté

« Roul kari sou dori » – In kozman pou la rout

Justin / 12 séptanm 2015

Zot i koné kréol koman i tir son z’asyèt manzé. Zot i koné bien na in l’ord pou sa : d’abor i mète do ri, apré i mète lo grin, apré solman i mète kari. Rougaye sa i vien aprésa ! In pé i armète salad par dsi lo total.. Sa i jène amoin pars lo zasyète lé tro sharjé. Sanm pou moin !

Dann kozman moin la nonm an-o-la, i diré k’i fé pa lé shoz konm k’i fo. In promyé sans ? I fé tout an travèr. In dézyèm san ? Kan ou i vé pa di la vérité, ou i tourn lo moun i koz avèk ou dovan-déyèr é aprésa la pèrsone i konpran pi son dovan avèk son déyèr kèl koté lé déviré. Pétète na d’ot sans.

Kosa zot i anpans ? Arien ditou ! Touléka, lès pa dmoun roul azot kari sou d’ri ! Fé travay in pé z’ot koko ! Fé bouy z’ot matyèr griz ! Zot va oir ké rant-rant ni pé tazantan ète dakor rantre nou.


Kanalreunion.com