Oté

« Roul kréol kari sou d’ri ! » - in kozman pou la rout

Justin / 13 mars 2015

Si nou pran konm kozman : « Roul kréol kari sou d’ri ». Sa sé in kozman va arès dann nout mazinasyon. Pou kosa ? Pars la plas in kary sé d’ète dsi lo ri pa par dsou. Alé oir la, lo kari lé par dsou, donk drolman plasé. Arzout èk sa i pé mète ali konm in vèr dann in fonnkèr. I pé mète ali dann in séga par ébzanp.

Pou kosa I mète kari par dsou ? Pars, sa in fason kashyète lo kari, pou fé kroir ou na pi, pou ardomann in pé, é si i lès, manz konm i goulipia – dann tan demoun l’avé vréman fain ! Sa i vé dir ankor, fé pran lo vré pou lo fo, boush lo zyé d’moun. Donk si in moun i dézékilib aou, ou i pé dira li, ou i roul amoin kari sou d’ri.

Alor, zot mèm, mi pans zot lé dann dé ka konm sa. F »é travay zot koko, fé bouty zot matyèr griz, zot va oir si zot la pankor artrouv azot dann in sityasion konmsa. Kalkil bien é moin lé sir, ké rant-rant zot va tonm dakor rantre nou. Fé roulé férèr !


Kanalreunion.com