Oté

« Rouzon, Rouzon, si si mon ki i défons, ou lé fouti ! »

In kozman pou la rout

Justin / 26 out 2016

Sa la pa in probèrb pou vréman. Mi pans kant mèm lé intérésan konète so kozman nout vyé z’ansète téi di dann tan lontan. Mi pans, konm zot lé intélizan-i fo été intélizan pou lir Témoignages é i sifi d’lir a suiv pou vni intélizan-donk mi pans zot i oi d’isi la sène : na in marmite dolo dsi l’fé é li bouy gro bouyon. Marmite lé dsi l’fé é lo fé i donn di gaz. Kisa i pé gagné dan l’istoir. Afors shofé lo fé i pé fé sèk dolo. Mé si marmite la kasé, fouti pou lo fé, pars lo kourann lo i tènn ali. Do fé avèk dolo-konm l’èr épi la tèr - zot i koné sa sé dé z’afèr fondamantal pars osinonsa l’ot ni gingn pi amenn nout vi konm ni amenn koméla é final-de-kont ni pé pi viv. Alé ! Mi arète èk sa épi ni artrouv pli d’van !


Kanalreunion.com