Oté

« Rozoir vid i fé bonpé dézord ! » - In kozman pou la rout

Justin / 17 séptanm 2015

Tout sak la manyé in rozoir an tol dann son vi, i konpran sa lé vré pou vréman : kan rozoir lé vid é ké li kongn kékpar li fé lo brui, mé kan li lé plin li fé moins dézord. Bien sir la pa solman dann sans-la i fo pran lo provèrb. Provèrb-la i pas dann plizyèr sityasion. In l’égzanp ? Dann in konvèrsasion an-parmi souvan défoi sé lo moun na poin arien pou dir k’i koz pli for. Sé lo moun la tèt lé vid k’i pans li lé blizé koz plis ké toulmoun. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant ni pé z’ète tazantan dakor rantre nou.


Kanalreunion.com