Oté

Sa i évit anparl bann vré problèm La Rényon !

Justin / 25 mai 2012

Tan-si, i pé pa di La Rényon i mank l’aktyalité pars nout péi la pa in péi dorman. Nana bon kalité nouvèl, nana mové kalité nouvèl, mé an tou lé ka, nana nouvèl. La mèm pa tro bézoin alé rodé, nouvèl i ariv par la boush demoun dann radyo. Bann politik, bann z’asosyasion, bann sindika, la boush lé pa také. Sétaki na son blog, son sit, sétaki lé dsi bann rézo sosyo. Donk si ou i vé ranpli in zournal, i doi pa z’èt tro difisil. Poitan, na in pé i èm fabrik l’aktyalité.

In l’égzanp ? Yèr soir, l’avé in sobatkoz rant zournalis. Diréktèr “Zournal dé l’il” i sort in nouvèl dann fon son shapo, konm bann mazisyen i tir lapin, pizon, sansa kanar. Ala kosa li di : tout demoun i koné, dan sinkyèm sirkonskripsyon, Parti kominis i fé la kanpagn pou Jean-Claude Fruteau ! Ni koné bien nout parti na in sèl kandida dan sinkyèm sirkonskripsyon, sé Eric Fruteau : Elie la di sa Sint-Sizane dovan in ta èk in paké d’moun, é dopi so zour-la, na poinn zour nout parti la di in n’ot afèr. Mé solman, lo zournalis, mèm si li rokoné ofisyèlman lé konmsa, ala ké li di la réalité d’térin la pa konmsa. Réalité d’térin ? Sé sak nout dirizan é militan fidèl i di é i fé. La pa sak in zournalis i pé dan son tèt an mové santé pou manipil demoun !

In n’ot l’égzanp ? Lo blog Dupuy. Ala ké li di Françoise Vergès la fé "dé pyé é dé min" pou gingn in post minis. Li koné pa arien, moin non pli, mé li invant in soi-dizan vérité, konmsa tout in bann shien, sak la anvi mord, i mèt a mord. Pétèt la fé mal zot tété oir Françoise apré koz avèk prézidan la Répiblik lo zour li la pran son fonksyon. Pétèt ? Mé sirman l’intansyonn mal fèr, l’intansyon sali la répitasyonn moun, é sa lé pa zoli ditou, lé pa moral... Mé sé pa si i pé parl moral kan i parl d’in boug konmsa épi bann molos komandé i suiv ali dan son bann kalomni.

Touléka, sa i évit anparl bann vré problèm La Rényon.

Justin



Un message, un commentaire ?



Messages






  • À partir d’une rumeur ( pour ne pas dire un ragot, du vent ), Zinfos a bâti un article contre cette famille qui l’obsède tant. Sans la moindre information vérifiée (ni vérifiable puisqu’il s’agit d’une rumeur). Et aussitôt les passions se déchaînent. Plus aucun n’emploie le conditionnel. Zinfos ladi ? Bon prétexte pour calomnier et ne plus parler de l’essentiel.

    - > Et walali et walala, gran défoulaz la rate. Chacun y va de sa petite pique. Ayant soulagé sa bile il (elle) retrouve sa bonne mine. Tant mieux, ça fait faire des économies à la Sécu.

    - > Zinfos, encore beaucoup d’articles de ce type et plus besoin des financements de la Région, c’est la Sécu qui va te subventionner. Les bilieux vont retrouver la santé. Les violents, soulagés de s’être défoulés à bon compte, ne battront plus femme(s) et enfants. Les falsificateurs de l’Histoire puiseront leur miel quotidien sur Zinfos.

    - > Quant aux tenants du désordre établi, ils se frottent les mains et, dans la confusion ainsi créée, continuent d’entraver La Réunion.

    Article
    Un message, un commentaire ?


Kanalreunion.com