Oté

Sa la pa inn késtyon d’éshèl ! Shant out kont, domin out fète

Justin / 12 zwin 2015

Papa, momon i mont droit, zanfan i filosh dsi koté… zot i koné sa sé in kosa in shoz, in dovine dovinay. Sa i vé dir in l’éshel avek lé dé gran sipor, papa-momon – é bann zanfan k’i kour dsi koté, lo baznn travèrs. Sa sé in kékshoz sinp, mé kant in moun i di aou sa sé in késtyonn l’éshèl, é bin, l’èr-la sa i kontray aou in pé. Sa i vé dir ou i pé pa ansort aou, pars out klé lé tro pti : tro pti pou in péi, tro pti pou in l’antrepriz, tro pti pou ou ansart aou par ou mèm.

Donk, moin t’apré fé lo rézonèr, é moin té apré di, in péi koman nou na tèl rishès, tèl rishès, tèl kapasité, donk li pé ansort ali. Moin, moin la touzour anpans sa, mé in pé i di nou lé pti mizèr é ni pé pa débarbote anou par nou mèm. Si ni di bann péi pti konm nou, é bin la vnyabou sort dann fénoir par z’ot prop moiyin. Sé l’èr ké la pèrsone ou té an diskisyon avèk i di : « Sé in problèm d’éshèl ! » é la pa trouv té i falé donn amoin inn-dé zargiman, i n l’ésplikasyon, son kozman sanm pou èl lété sifizan.

Kosa sa i fé pans amoin ? Sa i fé pans amoin ké désèrtin z’ot tèt lé anklavé é di sak ou i vé, li la pa pou sort ladan… Moin mi pans pa konmsa : pou moin na in puisans kolonyal la mète anou dann in gob é si ni ansort pa la, ébin nou lé fouti. Arzout èk sa, li mèm i donn anou la klé pou sort la-dan, mé la klé i rouv pa lo sérir, ni son gran l’argano malèr. Alors, sé anou de trouv lo bone klé, sé a nou dé trouv lo bon métod é si ni trouv, ébin nou va ansort anou. Nou va trap nout dévlopman galizé par nou-mèm.

Sa la pa in késtyonn l’éshèl ditou ! Shant out kont, domin out fète.


Kanalreunion.com