Oté

« Sak i vé alé loin, i vo myé li avans ti-lanp ti-lanp » – In kozman pou la rout

Justin / 31 zwiyé 2015

Mi souvien moin la lir dann Racine, lé plédèr in fraz in moun té i di : « Ki vé alé pli loin ménaz son montir ! ». Sa i vé dir si ou i fons an bèf v’ariv momandoné ou sar fatigé é ou va larg lo kor sof si ou lé dopé, mé sa sé in n’ot z’istoir !

Sa i vé dir ankor in n’ot afèr, sans figiré. Sa i vé dir, si ou i vé réisir dan la vi mènaz out z’éfor sé solman konmsa ké ou va nyabou tras in bon shomin pou amenn aou ousa ou i vé alé. I fo ou i fé out program, étap par étap é sé komsa ké ou v’ariv trap out bi.

Kosa zot i anpans ? Arien ditou, Fé travay z’ot koko ! Fé bouy z’ot matyèr griz ! Zot va oir ké rant-rant nou v’ariv a ète in pé dakor rantre nou.


Kanalreunion.com