Oté

« Sak i vé anval in koko, i fo li kalkil son fondman ! » - In kozman pou la rout

Justin / 10 zwiyé 2015

Sans prop : ou I aval in koko. Si ou I gingn moin na konm l’inprésyon la sorti sar éroïk. Zot i pans pa ?

Sans figiré : antansyon si ou i antropran in n’afèr tro for pou ou, pars lo konsékans sar pa bon pou ou. In lébzanp ? Alé pa ashté in loto tro shèr si ou lé sir ou nora difikilté pou pèy lo krédi, mèm si ou lé sir ou i gingn ar pa ranbousé. In n’ot lébzanp ? Pa bézoin alé provok in moun pou batay si, ou i koné li lé pli for kéou. Romark i di bien : « Lé pa interdi antroprann ! », mé sé solon lo ka.

Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir si rant-rant ni pé pa tonm tazantan dakor rantre nou.


Kanalreunion.com