Oté

« Sak lé aou lé amoin, sak lé amoin la pa ou ! »-In kozman pou la rout

Justin / 8 séptanm 2015

Zot i koné lo shèf an parmi bann provèrb dsi la solidarité. Zot i koné sa ? I di konmsa : « In min i lav l’ot ! ». Moin lé fine ékri sa dann « in kozman pou la rout » é la pa bézoin fé in désin pou fé konprann sa in provèrb solidarité. Mé mi sort pans inn sré plito lo kontèr la solidarité-la rézon d’ète de bann bézèr d’paké. Pars dann provèrb moin la mark anlèr la, zot la bien konpri, i partaz pa. Mi kapar tout sak mi gingn é mi lash pa arien.

Kosa zot i anpans de sa zot ? Arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant ni pé z’ète, tazantan, dakor rantre nou.


Kanalreunion.com