Oté

Si nout parti l’avé rézon yèr, akoz li n’oré tor zordi ?

Justin / 23 octob 2015

Na poin lontan dsa, mi an souvien tré bien, moin té anparmi in bann kamarad é na plizyèr pou dir zot lé pa tro sir nou na rézon zordi san pour san épi osi k’i fo pran prékosyon pa ète pèrdan pars in l’unyon sé in bon l’inyon si bann partnèr i ansort gagnan. Konm i di dann la formasyon profésyonèl, i fo in bon l’akor, in l’akor gagnan-gagnan.

Dann lo sobatkoz, moin la antann inn-dé parol la sazès. Na inn té i pass an rovi tout bann konba nou la améné : konba kont lo kolonyalis, konba pou bann plantèr, la lite pou travayèr, kont lo bimidom, pou nout lang kréol, kont la frod dann z’éléksyon, pou l’égalité sosyal é d’ot ankor ; pou lo maloya épi nout kiltir rényonèz. Pou koué ? Pars nout péi lé pti, napoin bonpé d’moun, mé son l’istoir lé bien fourni mèm si li lé kourt.

Aprésa la késtyon ni doi pozé sé késtyon-la : nou l’avé rézon, nou l’avé tor amenn bann konba-la si ni baz anou kosté nout pèp rényoné ? Moin mi èm bien dir in pozisyon avansé nout pèp rényoné… La répons suivan nout poinn-vizé bann vanzèr rényoné, sé nou l’avé rézon, mèm si désèrtin konba la pankor alé ziska lo bout k’i fo… Si zordi ni rod in étratézi pou fé avans konm k’i fo nout lite é si konm dopi lontan ni baz dsi in l’inyon pli larz ké nou é k’i doi ankor élarzir dann l’avnir..si ni done anou vintan pou fé avans ankor plis nout lite – la koz nout pèp !-, mi kroi ni pé dir nou na rézon.

Rézon pou donn la rou nout Rényon nouvèl !

NB Bann kamarad zot i ansouvien lo tan nout diskour té i tèrmine par « pou in rényon lib ! » é bin pou moin sé sa in Rényon nouvèl.



Inn modékri, inn ti lavi, inn komantèr ?



Bann modékri andann forom






  • Mi ranta pa dann lo détay, mé sa lé in gaya kestyion. kan oulé dann la litte, ou di aou , la poin litte dan o , é litte dan ba . kan ou éme out pati ,é d’apré ou, li sava dann mir, ou konstat, ou di, é ou révol ta ou, la poin dote solityion. ou di aou enkor la rout’ lé bon, la vysion lé bon é poutan nou sa fou dann fon. ou poz a ou in takon kestyion, pa egzamp la droite é la gosh, sé pa lo meme zafèr, nou sa pa kan mem mak kont nou kam, é la ou i di a ou enkor na in zafer lé pa bon. koman ou egplik lo rotour dé sertin ké la mépriz lo pep, la fè kroi à zot noir pou blan ? nad kombatan la sakrifi à zot, la gayn koud kongn, la été plakadisé, la kour dann karo kann, nou koné toussa, é poutan nèna i a fasilit zot rotour, na enkor in problem. ote zafer enkor bann komba fratissid, ké lé entrain tié la gosh é en mem tan, limmans espoi tout domoun ki kroi ké la gosh é la droite lé pa lo mem zafer

    là rézional la komansé, sertin enkor la pa reténi lo bann losson la pou batay dann lo mem kan , ziské kan lo boul va aryv dann lo pié dé ladversèr, oussa noussa ?

    Article
    Inn modékri, inn ti lavi, inn komantèr ?


Kanalreunion.com