Oté

Si ou i oi pa, i fo shanj linète !

Justin / 9 février 2011

Matante Zélida la ékrir Justin
Mon shèr nové, mon spès salté,
Alor kan bann ziz é bann polis i fé pa zot travay konm k’i fo, i fo pa krétik azot. Kan nout ti-prézidan i di, si na in fote, lo résponsab va gouté, i fo pa di alor ? Si li di, i fé la grèv ? Pars si li di, sé konm k’i diré li vé bann fransé-mouton i vote pou li l’ané 2012. Alor, li fé rakolaj. Mé lo prézidan lé kant mèm résponsab sak i fé dan la France ! Si na in n’afèr i klosh pa, i fo pa li di. Konmsa va di li s’anfoutsa é l’opinyon va rotourn kont li. Bann waya-waya, va komans jazé, é zot, bann rouj-de-fon, zot sar kontan. Tanpir pou sak i fé zot grèv mazistra ! Tanpir pou zot ! Si zot lé pa kontan, zot na ka pran konstan. Tok ! Pran sa pou toi !

Justin la fé pou répons :
Mon vyé matant k’i koz la boush rouvèr,
Si mi konpran aou, lo prézidan la pa résponsab ditou sak i éspas zordi. Lo ziz, lo polis, oui, mé li, non. Lé vré li di, moins nora d’moun dann la fonksyon piblik, myé lé shoz va spassé. Moins nora ziz, plis la zistis va done lo grin. Moins nora la polis, plis bann moun sar an sékirité, épi moins nora z’amontrèr, plis marmay va aprann l’ékol. Kissa i sa va kroir in n’afèr parèy ? Akoz i di pa, moins la bank nora larzan, sé myé k’zot va gingn suiv lékonomi ? Moins nora z’inpo, plis bann sèrvis piblik va bien marshé ? Matant, ou lé rézonab ou ? É bin, koman ou i pé gob in n’afèr konmsa konm i gob zèf kri ? Ou i oi pa bononm-la la pou amène la France dann malizé é nou ossi par l’fète ? Si ou i oi pa, i fo shanj linète.

Justin



Un message, un commentaire ?



Messages






  • Mon Cher Professeur,

    Je me dois de vous donner de mes nouvelles, moi qui suit à 10 000km et qui tous les matins à l’aube cher à Verlaine apprend vos cours. Je prends moins de temps pour déchiffrer les mots, vos belles expressions-souvent je crois entendre ma mère ou mon père-Tous les matins je vous lis...et souvent j’exclame , je ris ...et mon café se répend sur la vitre de mon ordinateur. Vraiment dés cette heure je ris de bon coeur...dommage que le dimanche je ne "rigole"pas, mais j’ai trouvé "la parad" : je relis tous vos textes de la semaine...koz pa, y fè sot mon ker.

    Article
    Un message, un commentaire ?


Kanalreunion.com