Oté

Si ou I sote la rivyèr la pa bézoin ou i jir limon !

Kozman pou la rout

J.B. / 11 zwin 2016

Ala in kozman bien délika : pa pou son sans prop pars sète-la lé pa difisil pou sézi mé son sans konm i di pli zénéral. Pou lo sans prop, si ou i pass dan la rivyèr é ké out pyé i gliss dsi rosh na limon, ou i pé jir ali mé sa i ansèrv de riyin. Ou i pé dir ali : « Kit ta mèr d’limon ! » mé sa i fé pa lo limon arien. Dann in sans pli zénéral i di, si ou i mète aou dann danjé alé oir ou i koné ousa i lé lo danjé sa sé out afèr. Ou na k’a débarbote aou ! Konm bann moun i mont dsi bann gran montagn a pik épi zot i dévis. Kisa la anvoy azot pou fé sa ? Dizon kant mèm lo mond la shanjé é na dé z’afèr danzéré k’i rant dann la vi d’moun épi défann, défann, défann sa la pa in fasonn fèr sa kant mèm !


Kanalreunion.com