Oté

« Si ou i vé bien soté, i fo ou i pran in bon l’élan »

In kozman pou la rout

Justin / 26 avril 2016

Pou lo sans prop la pa bézoin fatig la tète pou konprann : si ou i pran pa in bon l’élan ou lé riskab pa gingn soté konm ou i vé kisoi dann la longèr kisoi dann la otèr. Si ou i pran in bon l’élan, l’èr-la la pa parèy… konm sé in provèrb, kèl sans sa nana ? Mi oi in déza in n’afèr. Dan la vi nana in bon-pé l’obstak pou sirmonté é na dé-foi i fo ou i prépara ou bien. Mal préparé sé mal sir-monté.

Konm i di dann shanté « Aboudou », la vi li mèm sé in konba é si ou i prépar pa ou konm k’i fo, ou rési pa i. Kont pa d-si in kou d’shans ! La shans li mèm sé in n’afèr k’i doi z’ète préparé. Mi koné pa kosa zot i anpans, mé moin, sé konmsa ké mi oi lé shoz.


Kanalreunion.com