Oté

« Si ou i vé sote loin, pran l’élan. » - In kozman pou la rout

Justin / 15 désanm 2015

Sa i vé dir tout shoz ou i fé i fo ou i fé lo préparasyon. Par ébzanp, i fo ou i fé tourn lé shoz dann out tète, ou i fé konm in répétisyon.Sansa ou i ariv ar pa fé sak ou i fé. Moin, sé konmsa ké mi oi lé shoz :ou i fé pa rien san préparé…Sof si sa i ariv aou par sirpriz. La prèv kan bann ésportif i vé sote loin-sa i apèl so an longèr !- pou komansé i fo l’antrènman, apré i fo ou i répète lo bann foulé dann out tèt, ziska lo tranplin ! Ou i domann demoun pou bate la min épi solman apré ou i lans aou é ou na dé shans trap in bon rézilta…Mi pans zot la konprann amoin ?Kosa zot i anpans ? Arien ditou ?Fé travay z’ot koko ! Fé bouy z’ot matyèr griz ! Sé solman konmsa ké zot va oir rant-rant, ni pé z’ète, tazantan, dakor, rantre nou.


Kanalreunion.com