Oté

« Son kanar lé noir ! » – In kozman pou la rout

Justin / 27 novanm 2015

Nout tout i koné kozman-la, mé lé pa forsé ké nout tout i èm sa. Pou kosa ? Pars lo mo « noir » lé touzour kolé avèk in n’afèr dézagréab d’apré zot. Pa pli loin ké dann somi-lo-mo, in liv Daniel Honoré nana talèr près dis lign la-dsi épi in bann zésprésyon an toboz mi pé dir azot. Zot i koné, Lili, lo shanté Pierre Perret i di konmsa : noir sé la koulèr lo dézéspoir… Alon arvir dsi nout kozman ! Kan i di sa, sa i vé dir ou lé dann in sityasion la pa gayar ditou. Konm In sityasionn la vi é sa i pé ariv nout tout… si la pa zordi, pétète domin é I fo ni prépar anou pou fèr fas, konm i di. Kosa zot i anpans ? Arien ditou ? Fé travay z’ot koko d’tèt ! Fé bouy z’ot matyèr griz ! Zot va oir, ké, rant-rant, ni pé z’ète, tazantan, dakor rantre nou.


Kanalreunion.com