Oté

« Tèr-la i pous arienk makaroni èk dé sèl ! »

Justin / 20 févrié 2016

Sa in zistoir moin la antann nana bien lontan. Kan la famiy l’ashète in térin pars mon papa l’avé asé travay dann komèrs li té i vé plant la tèr. Dabitid bann z’ansien i kas ti-boi bann nouvo : in pé partou lé konmsa, sa sé konm in bizitaz.

Donk l’èrk li l’ashète son térin, par avans in pé té fine anons li té batu é pliské. Sé pou sa lo blag téi fé rir désèrtin moun, té konm pou di lo moun va plant z’afèr i pous pa. Mank de po pou zot, nout papa la travaye, travaye é pliské travaye si tèlman li la fé shomin, li la fé pous sak demoun téi plant é pli myé ké d’ot. Tan k’a bann kasér lé kui zot la anval z’ot blag é kan la guèr l’arivé nout famiy la gingn son soso bien myé ké d’ot moun.

Makaroni èk sèl pou komansé… pou komansé solman. Pars avèk lo travaye, avèk lo z’idé lé shoz i rès pa tèlkilé.


Kanalreunion.com