Oté

« Ti shofèr i amenn gro bèrlyé »

In kozman pou la rout

Justin / 7 zwiyé 2016

Sa in kozman pou dir konmsa i f opa fyé dsi l’aparans konm i di osi : ziz pa zoizo dsi son plimaz. Sa lé bien vré sa vi ké bann gro kamiyon la modèrnizé : la pi bozoin gro misk pou amenn ali, in moun normal i pé fèr in n’afèr konmsa. In dalon la rakont amoin in zistoir : in bèl kamiyon lo shofèr lé zéné par in pti loto, pti mèm. Li sonn son klaksone, la tèr i tranm, li fé konmsi li sa kongn avèk lo pti loto (in kat shovo sa !). Momandoné lo pti loto i arète an plin dann miltyé shomin. Lo bèl bèrlyé i éstop galman é li fé konmsi li sa bataye avèk lo shofèr lo pti loto. Sète-la i rouv son port, i dépliye ali é in boug plis dé mète i sort la-dan in moun konm Tarzan i sort la-dan. Shofèr Bèrlyé, i gingn zis lo tan pou li ardémaré, évite lo pti loto. Alé ! zistoir sé zistoir ! Ni artrouv pli d’van.


Kanalreunion.com