Oté

« Ti zétinsèl, gro fé ! »

In kozman pou la rout

Justin / 13 zwiyé 2016

Mi pans bann z’ansien i rapèl lo trin sansa l’otoraye ? Kan i ariv la sézon la séhrès, dsi son raye, li fé zétinsèl é zétinsèl i mète dofé dann la savann. Si zèrb lé gran i fo ponpyé pou tinn ali. Sa i vé dir in ptit koz i pé an avoir gran-gran z’éfé, gran gran konsékans. Bann révolisyonèr russ té i di pa : in sinp zétinsèl i pé mète do-fé dann la plène. Sirtou si zèrb lé sèk ! Sirtou si i fé sho pli k’i an fo ! Na poin in shanson i parl bann batmann zèl in papiyon ? Sa I apèl l’éfé papiyon. Solon in éspésyalis la météo Edward Lorenz, té I poz in drol késtyon : li doimann, l’ané 1972, sixin batman la zèl inxpapiyon dann Brésil i pé dékansh in siklone dann Teksa. Kalkil azot mèm ; Alé ! Ni artrouv pli dvan.


Kanalreunion.com