Oté

« Tir boudin fé, dann vant koshon » - In kozman pou la rout

Justin / 26 zwin 2015

Zot i koné kozman-la zot ? Moin lé sir ! Sa lé près konm dann in shanté ziskakan dsi bann démarshèr. Lo paro té apopré konmsa : « Oté démarshèr, oté volèr, asé tir sosis fé dann vant koshon ».

Mi pans zot i konpran kosa sa i vé dir. Larjan lé pankor fé, k’i domann aou pou fé krédi. Si tèlman ké kan l’arjan i rant, li lé pi aou. Propriyétèr lé la bank ! Antansyon, moin lé pa kont lo krédi, mé mi pans sa i fo manyé avèk prékosyon. Vitman-vitman ou i pran lo fon si ou la pa manyé sa rézonabloman.

Zot, kosa zot i anpans ? Arien ditou ? Fé travay zot koko, ! Fé bouy z’ot matyèr griz ! Zot va oir si rant-rant ni tonm pa, tazantan dakor rantre nou !


Kanalreunion.com