Oté

« Torti i oi pa son ké ! »-in kozman pou la rout

Justin / 15 avril 2015

Mi pans zot i oi, dan not tète, koman in torti lé fé avèk in pti kolé, in bèl kok épi in prti gigine la ké. Donk kan i di torti i oi pa son ké sa lé vré pou d’bon. Sans prop ! Mé sans figiré ? Sé pou dir ou i pran pa kont avèk out prop sityasion.

Bann fransé i di : i oi la paye dann zyé out voizin, i oi pa la poutr dann out prop zyé. Sa i vé dir, tir défo lé z’ot lé fasil mé rokonète son prop défo lé bien difisil. Sa i vé dir ète sévèr avèk lé z’ot lé fasil ète in pé rogardan avèk ou mèm kont pad si.

Zot, kosa zot i anpans ? Arien ditou ! Fé travay zot koko, fé bouy zot matyèr griz é zot va oir ké rant-rant, ni pé tonm, tazantan, dakor rantre nou.


Kanalreunion.com